BIZI-BASOKO I. MIKROIPUIN LEHIAKETA
Zuhaitz bakoitzak badu zer kontatu… Zein izango da zure istorioa?
Bizi-Basotik Lehen Hezkuntzako ikasgeletara zuzendutako erronka bat proposatzen dizuegu: sortu mikroipuin bat taldean eta utzi irudimenari hegan egiten.
Sekretuz beteriko basoa, hitz egiten duen zuhaitza, laguntza behar duen animalia, ustekabeko abentura bat… Idazten hasten garenean, dena da posible!
Ikasgela bakoitzak bere istorioa sortu eta Bizi-Basoko I. Mikroipuin Lehiaketan parte hartu ahal izango du.
Eta onena… ikasgela irabazleak bere abentura bizitzeko aukera izango du Haritz Berrin, naturarekin harremanetan esperientzia berezi batez gozatuz.
Irudikatzeko, idazteko eta elkarrekin sortzeko garaia da.
Ausartzen al zarete zuen istorioa kontatzera?
Idatzi zuen mikroipuina eta egin ezazue zuen ikasgelak Haritz Berrin abentura bizitzea!
